Ֆրանչիսկոս Պապին գործունէութիւնը` Ինը կարդինալներու խորհուրդի 11-րդ ժողովը։

(Ռատիօ Վատիկան) Երկուշաբթի` 14 սեպտեմբերէն մինչեւ չորեքշաբթի 16 սեպտեմբեր, Վատիկանի մէջ տեղի կ՛ունենայ Քահանայապետի անմիջական խորհրդական Ինը կարդինալներու 11-րդ ժողովը, գլխաւորութեամբ Ֆրանչիսկոս Սրբազան Քահանայապետին։

Սոյն խորհուրդին պարտականութիւնն է օգնել Տիեզերական Եկեղեցւոյ Պետին իր առաքելութեան մէջ ու յատկապէս ուսումնասիրել Վատիկանի վերին իշխանութեան հայող ''Pastor Bonus'' առաքելական սահմանադրութեան բարեփոխումները։

Յայտնենք թէ այս խորհուրդը հաստատուեցաւ Ֆրանչիսկոս Քահանայապետի կամքով։ Խորհուրդը իր անդրանիկ ժողովը գումարեց 2013-ին` հոկտեմբեր 1 – 3 Վատիկանի մէջ, որուն յաջորդեցին ապա այլ ինը ժողովներ մինչ այս օրերուն կը գումարուի խորհուրդի 11-րդ նիստը։